«Очлик ўйинлари» фильмлари орқали танилган актриса Женнифер Лоуренс Forbes журнали томонидан эълон қилинган йилнинг энг кассабоп Голливуд актёрлари рейтингида етакчилик қилди.
2014 йилда 24 ёшли актриса иштирокидаги картиналар жами 1,4 миллиард доллар тўплаган.
Рейтингнинг иккинчи поғонасини 35 ёшли актёр Крис Пратт эгаллади, у 2014 йилда «Галактика посбонлари» фильмида рол ўйнади, шунингдек «Лего. Фильм» фильмида бош қаҳрамонга овоз берди. Крис иштирокидаги картиналар 2014 йилда жами 1,2 миллиард доллар ишлади.
Энг кассабоп актёрлар учлигини 30 ёшли Скарлетт Йоханссон якунлади. У рол ижро этган «Биринчи қасоскор: Яна бир уруш» фильмининг ўзигина кинопрокатда 1,18 миллиард доллар тўплади.
Бундан ташқари рўйхатнинг биринчи ўнталигидан Марк Уолберг (1 миллиард доллар), Крис Эванс (801 миллион доллар), Эмма Стоун (764 миллион доллар), Анжелина Жоли (758 миллион доллар), Жеймс Макэвой (747 миллион доллар), Майкл Фассбендер ва Хью Жекман (746 миллион доллардан) жой олди.
Изоҳ (0)