Жаҳон футболи юлдузлари орасида ўз танасига татуировкаларни муҳрлаганлари талайгина. «Championat.com» сайти бундай «муҳр»ларнинг энг машҳурларини тақдим этди.
Карлос Тевес
Аргентиналик ҳужумчи декабрь ойида энг ёрқин татуировкага эга футболчилар қаторидан жой олди.
Диэго Марадона
Жаҳон футболи афсоналаридан бирининг танасида икки инқилобчининг сурати чизилган: ўнг елкасида Че Гевара ва чап оёғида Фидель Кастро.
Дэвид Бекхэм
Машҳур инглиз футболчиси танасида уч нафар ўғли, қизи ва рафиқасига бағишланган татуировкалар мавжуд.
Марко Матерацци
Италиялик футболчининг танаси татуировкалар билан тўлган. Улардан энг машҳурари сифатида Чемпионлар лигаси ва Жаҳон чемпионати совринлари, елкасидаги қанотлар, шер ва аждарҳо тасвирларини келтириш мумкин.
Серхио Рамос
Испан футболчисининг танаси ҳам тасвирларга бой бўлиб, энг машҳурлари Жаҳон чемпионати ва Чемпионлар лигаси суратлари ҳамда қулоғи орқасидаги иероглиф эканлиги таъкидланади.
Раул Мейрелеш
Португалиялик футболчининг танасида татуировка туширилмаган жойи кам қолган. Уларган энг машҳурлари сифатида орқасидаги аждарҳо ва ўнг оёғидаги бутун бошли «таржимаи ҳоли»ни келтириш мумкин.
Даниэль Аггер
Татуировкалари кўплиги бўйича Мейрелешдан қолишмайдиган даниялик футболчининг орқасида викинглар қабристони, чап елкасида Дания байроғини учратиш мумкин.
Златан Ибрагимович
Швециялик ҳужумчининг татуировкалари орасидан барча яқинларининг туғилган кунлари, улкан балиқ, қизил аждарҳо, болалари ва ота-онасининг исмлари ўрин олган.
Жибрил Сиссе
Француз футболчисининг деярли бутун танасини қоплаган татуировкалар орқадаги қанотлар ва турли безаклардан иборат.
Тим Ховард
Америкалик дарвозабоннинг танасига болалари, онаси, бобосининг суратлари, Супермен тасвири туширилган.
Изоҳ (0)