Божхона қўмитасида навбатдан ташқари кенгайтирилган хизмат йиғилиши бўлиб ўтди. Бу ҳақда қўмита матбуот хизмати хабар берди.
Унда президент қарори билан божхона хизмати полковниги Ғайрат Насиров Божхона қўмитаси раисининг биринчи ўринбосари этиб тайинлангани маълум қилинди.
У тайинловга қадар “Тошкент-Аэро” ихтисослаштирилган божхона комплекси бошлиғи лавозимида хизмат қилиб келаётган эди.
Шу кунга қадар Божхона қўмитаси раисининг биринчи ўринбосари лавозимида хизмат қилиб келган Илҳом Мухторов эса божхона органларидаги бошқа тузилмаларда ўз хизматини давом эттиради.
Йиғилишда божхона органлари олдига жорий йилда қўйилган вазифалар ижросига доир қатор масалалар кўриб чиқилди.
Изоҳ (0)