Porsche Uzbekistan драйв мухлисларини Байкалга, жозибали сафарга таклиф этади. Муз экспедицияси қатнашчилари Porsche Cayenne рулида дунёдаги энг чуқур кўлнинг шаффоф музлари бўйлаб ўнлаб километрни босиб ўтадилар.
Шина тагида – фақат муз
Кўпинча туристик йўналишлар тажрибали сайёҳда охирига етмагандек ҳис қолдиради. Ажойиб манзара, қулай меҳмонхона – булар таътилни ёқимли қилиш учун етарли, лекин унутилмас қила олмайди. Адреналин қани? Эҳтирос қани? Инсон ўзини ўз ҳаётининг бош қаҳрамони деб ҳис қиладиган лаҳзалар қани?
Буларнинг барчасини Байкал ва унинг атрофлари бўйлаб афсонавий Porsche Cayenne рулидаги сайр ҳадя этади. Бу автомобиль йўл ва йўлсизлик, қулайлик ва экстрим ўртасидаги чегарани йўқ қилиш учун чиқарилган. У кўлни қоплаган чиннидек муз устида, ҳар бир сония – чорлов, ҳайрат ва одатийликдан ташқарига қўйилган қадам бўлганда дадилликни таъминлайди.
Байкални забт этувчиларни нима кутади
Саргузаштлар Иркуцкдаги меҳмонхона остонасиданоқ бошланади. Дунёдаги энг чуқур кўлгача қатнашчилар бир неча чақирим қорли йўлдан боришларига тўғри келади. Porsche Cayenne мураккаб музламаларни, қор босган жойларни ва йўллардаги нотекисликларни осонгина енгиб ўтади.
Колонна ҳаракатланишини муз капитанлари – маккор муз бўйлаб хавфсиз йўналишни белгилай оладиган тажрибали йўл бошловчилар назорат қилади. Улар қишки Байкални чуқур ҳис қиладилар, қаерда муз кўчиши мумкинлигини, қаерда бехатар юриш мумкинлигини биладилар.
Дастурнинг асосий банди – музда машина бошқариш курси, бунда бутун кўл автодромга айланади. Дастур базавий машқлардан бошланади: жойдан қўзғаш, фавқулодда тўхташ, сирғанишни назоратда ушлаш. Барқарорлаштириш замонавий тизимлари ва мураккаб юзаларда ҳаракатланишнинг махсус режимлари автомобиль устидан тўлиқ назоратни таъминлайди. Cayenne ғилдираклар остидаги музни том маънода “ҳис” қилади ва суст тишлашиш шароитида мураккаб манёврларни уддалашда ҳайдовчига ёрдам беради.
Оқшомлар шинам меҳмонхоналарда ўтади: дераза ортида қиш аёзи, ичкарида эса – иссиқ ва қулай, ўзингиз каби мухлислар даврасидаги қизиқарли суҳбат ва ёрқин ўтказилган кундан ҳайрат ҳисси.
Porsche Cayenne рулида Байкалга саёҳат ҳақида кўпроқ билиш, шунингдек сотувда мавжуд автомобиллар билан танишиш учун “Porsche”нинг Ўзбекистондаги расмий импортчиси – “Porsche Studio Ташкент”га мурожаат қилишингиз мумкин.
Контактлар
Телефон: +998 71 205 2 911
Изоҳ (0)