Полковник Фарҳод Ҳасанов Тошкент шаҳар ИИББ бошлиғининг биринчи ўринбосари этиб тайинланди. Бу ҳақдаги маълумот пойтахт ИИББ сайтига жойлаштирилган.
Фарҳод Ҳасанов тайинловга қадар Қўқон шаҳар ички ишлар органлари фаолиятини мувофиқлаштириш бошқармаси бошлиғи лавозимида ишлаган.
2024 йилнинг ноябрь ойида Тошкент шаҳар ИИББ бошлиғининг биринчи ўринбосари полковник Дониёр Тошхўжаев ишдан олинганди.
Шунингдек, ИИВ Тезкор қидирув департаменти Жиноят қидирув хизмати бошлиғи — полковник Ахроржон Атхамов ҳамда ИИББ Тезкор қидирув хизмати Жиноят қидирув бошқармаси Уюшган жиноятчиликка қарши курашиш бўлими бошлиғи — подполковник Тимур Собиров лавозимидан озод этилган эди.
Ноябрь ойида, шунингдек, Абдусалом Азизов ДХХ раислигидан бўшатилганди. У кейинроқ президентининг ижтимоий-сиёсий, диний-маърифий ва ёшлар масалалари бўйича маслаҳатчисининг ёшлар масалалари бўйича ўринбосари лавозимига тайинланган эди.
Изоҳ (0)