Буюк Британия собиқ бош вазири Уинстон Черчилл оиласи аъзолари ХХ аср бошида унинг Ислом динини қабул қилиши мумкинлигидан хавфсираган. Бу ҳақда 29 декабрда Британия ОАВлари эълон қилган мактублар гувоҳлик беради, деб ёзади ТАСС.
Кембридж университети олими Уоррен Доктер Черчиллга 1907 йилда кейинроқ унинг акаси Жекка турмушга чиққан Гвендолин Берти хоним томонидан ёзилган хатни топиб олди. Унда: «Илтимос, исломни қабул қилма. Мен сенда сени пошшога ўхшаш қилиб қўядиган шарқона хислатлар борлигини сездим», — дейилади. Бунга жавобан Уинстон Чечилл ўз акасининг бўлажак рафиқасига: «Сен мени пошшо деб ҳисоблайсан. Мен пошшо бўлишни хоҳлардим», — деб ёзади.
Собиқ бош вазир Судан ва ҳозирги Покистон ҳудудларидаги ҳарбий ҳаракатларда иштирок этиб, Ислом дини ва Шарқ халқлари маданияти билан танишган, у Ислом маданиятига қойил қолган. Бироқ Уоррен Доктер сўзларига кўра, Черчилл Исломга ўтиш фикрига жиддий ёндашмаган.
Изоҳ (0)