Buyuk Britaniya sobiq bosh vaziri Uinston Cherchill oilasi a’zolari XX asr boshida uning Islom dinini qabul qilishi mumkinligidan xavfsiragan. Bu haqda 29-dekabrda Britaniya OAVlari e’lon qilgan maktublar guvohlik beradi, deb yozadi “TASS”.
Kembridj universiteti olimi Uorren Dokter Cherchillga 1907-yilda keyinroq uning akasi Jekka turmushga chiqqan Gvendolin Berti xonim tomonidan yozilgan xatni topib oldi. Unda: “Iltimos, islomni qabul qilma. Men senda seni poshshoga o‘xshash qilib qo‘yadigan sharqona xislatlar borligini sezdim”, — deyiladi. Bunga javoban Uinston Chechill o‘z akasining bo‘lajak rafiqasiga: “Sen meni poshsho deb hisoblaysan. Men poshsho bo‘lishni xohlardim”, — deb yozadi.
Sobiq bosh vazir Sudan va hozirgi Pokiston hududlaridagi harbiy harakatlarda ishtirok etib, Islom dini va Sharq xalqlari madaniyati bilan tanishgan, u Islom madaniyatiga qoyil qolgan. Biroq Uorren Dokter so‘zlariga ko‘ra, Cherchill Islomga o‘tish fikriga jiddiy yondashmagan.
Izoh (0)