Россия Федерацияси президенти Владимир Путиннинг Янги йил мурожаати Москвада ёзиб олинади. Бу ҳақда Россия раҳбари матбуот котиби Дмитрий Песковга таяниб, Newsru.com хабар берди.
«Путин фуқароларга Москвадан, мамлакатимиз пойтахтидан мурожаат қилади», — дея аниқлик киритди у.
Аввалроқ Кремль президентнинг халққа Янги йил мурожаати қаерда ёзиб олинишини эълон қилишдан бош тортган эди. Ҳар йили анъанавий равишда мурожаат ёзиб олинадиган Спасс минораси айни реставрация ишлари туфайли ёпилгани учун бундай саволлар юзага келган эди.
Соқчилик федерал хизмати раҳбари Сергей Девятов Кремль куранти Янги йил кечасида ёпиқ бўлса-да, механизм ишлаши ва вақтни кўрсатиб бонг уришини таъкидлади.
Изоҳ (0)