Россия Вашингтоннинг Куба билан дипломатик алоқаларни қайта тиклаш қарорини ижобий баҳолади. Бу ҳақда Россия Федерацияси Ташқи ишлар вазирлиги сайтига таяниб, ТАСС хабар берди.
Вазирлик сайтида келтирилишича, «АҚШ президенти Кубани изоляция қилиш бўйича кўп йиллик уринишлар самарасиз бўлганини тан олди». «Вашингтонда бошқа мамлакатларга ҳам бундай санкциявий босим ўтказишнинг келажаги йўқ эканлигини тезроқ англаб етишларига умид қиламиз», — дейилади хабарда.
17 декабрь, чоршанба куни Барак Обама АҚШнинг Куба билан алоқаларни тартибга келтира бошлаганини маълум қилди. АҚШ молия вазирлиги «яқин ҳафталар ичида» Кубага нисбатан санкция режими сусайтирилишини айтди.
Изоҳ (0)