Америкалик олимлар ўз туғилган кунида вафот этиш хавфи бошқа кунларга нисбатан анча юқори эканлигини аниқлади, дея хабар бермоқда Daily Mail.
Уларнинг фикрича, туғилган кунни нишонлаш учун ўтказиладиган зиёфатлардаги бахтсиз ҳодисалар, шунингдек ўз жонига қасд қилишлар ўлим хавфини оширади. Бахтсиз ҳодисаларга спиртли ичимликлар ва наркотикларни суиистеъмол қилиш сабаб бўлса, депрессия ўз жонига қасд қилиш ҳолатларини келтириб чиқаради.
Олимлар сўзларига кўра, туғилган кунида одамлар ўз одатий режимидан четга чиқиб, ўзларини бошқача тутишга мойил бўлади.
Мутахассислар 14 ёшдан юқори бўлган 25 миллион кишининг ўлими ҳақидаги маълумотларни ўрганиб чиққач, бундай хулосага келди. Уларнинг 73 266 нафари ўз туғилган кунида вафот этгани маълум бўлди.
Бир кунлик ўртача ўлим сони 68 493 кишини ташкил этишини ҳисобга олган ҳолда, ушбу кўрсаткич экспертлар кутганидан деярли 7 фоизга юқоридир.
Изоҳ (0)