Исроил Евроиттифоқдан тез орада ҲАМАСни террорчилик ташкилотлари расмий рўйхатига қайтаришни кутмоқда, дея хабар берди «РИА Новости» Исроил бош вазири Бинямин Нетаняхуга таяниб. Фаластинлик экстремистлар ҳаракати 17 декабрь куни ЕИ суди қарори билан рўйхатдан чиқарилган эди.
Судьялар ушбу ҳукмни шу билан изоҳладики, ҲАМАС 2001 йилда матбуот ва интернетдаги нашрлар асосида «қора рўйхат»га киритилган, аслида эса бунинг учун уларнинг фаолияти ҳукумат масъул органлари томонидан ўрганилиши ва тасдиқланиши зарур.
«Евроиттифоқнинг ҲАМАСни террорчилик ташкилотлари рўйхатидан чиқариш техник процедура эканлиги ҳақидаги баҳоналари бизни қониқтирмайди. Евроиттифоқнинг зудлик билан ҲАМАСни ўзи тегишли бўлган рўйхатга қайтаришини кутмоқдамиз. Бу мутлақо барчага аён», — деди Нетаняху.
Изоҳ (0)