АҚШ президенти Барак Обама шу ҳафта охиригача Россияга қарши янги санкциялар ҳақидаги қонунни имзолаши мумкин, дея хабар бермоқда «РБК» Оқ уй расмий вакили Жош Эрнестга таяниб.
Ҳужжат Америка президентига Россияга нисбатан янги чеклов чораларини қўллаш ҳуқуқини тақдим этиш билан бирга, Украинага ҳарбий кўмак беришни назарда тутади.
«Ҳужжат ҳафта охиригача имзоланишига умид қиламан», — деди Эрнест. У шунингдек, агар Москва Украинадаги тангликни тартибга солиш бўйича халқаро мажбуриятларни бажарса, АҚШ Россияга қарши санкцияларни қайтариб олишга тайёрлигини қўшимча қилди. «Бироқ ҳозирча биз буни кўрмаяпмиз», — деди у.
Изоҳ (0)