Гонгконгда кинооператор Жеки Чан иштирокидаги фильмни суратга олиш вақтида чўкиб кетди

Кинооператор Чан Квок-Хунг Жеки Чан билан жангари фильмни суратга олиш жараёнида ҳалок бўлди, дея хабар бермоқда «Segodnya.ua».

51 ёшли Чан Квок-Хунг сувда ишлаш чоғида чўкиб кетди. Ренни Харлиннинг «Изма-из» фильми учун эпизодни суратга олаётган вақтида съёмка гуруҳининг у билан бирга ишлаётган яна етти нафар аъзоси бўлган кема ағдарилиб кетди. Ҳодиса Гонгконгдаги Лантау ороли яқинида содир бўлди.

Кинооператордан ташқари ҳеч ким зарар кўрмади. Жеки Чан кема бортида бўлмаган.