Европанинг йирик клуб ва лигалари, шунингдек Европа клублари ассоциацияси 2022 йилда Қатарда бўлиб ўтадиган жаҳон чемпионатининг ўтказилиш муддатлари бўйича ариза берди, деб хабар бермоқда «Stadion.uz».
Европа лигалари жаҳон чемпионатини 5 майдан 4 июнгача ўтказилишини таклиф қилмоқдалар.
BBC’нинг ушбу аризадан иқтибос келтиришича, шундай бўлган тақдирда мундиал Бразилияда ўтган ЖЧ−2014’даги об-ҳаво шароитида ўтади.
Масалан, ЖЧ−2022 гуруҳ баҳслари вақтида (5−19 май) Қатарда 29,7 дан 33 даража иссиқ бўлади. Ўйинлар кечки 18:00, 20:30 ва 23:00 да ўтиши режалаштирилмоқда (плей-офф - 19:00 ва 22:00 да).
Эслатиб ўтамиз, ФИФА ЖЧ−2022 мусобақасини ўтказиш муддатига 2015 йилнинг май ойида аниқлик киритади. Аввалроқ, мундиални ноябрь ойида ўтказилиши мумкинлиги айтилган эди.
Изоҳ (0)