Yevropaning yirik klub va ligalari, shuningdek Yevropa klublari assotsiatsiyasi 2022-yilda Qatarda bo‘lib o‘tadigan jahon chempionatining o‘tkazilish muddatlari bo‘yicha ariza berdi, deb xabar bermoqda “Stadion.uz”.
Yevropa ligalari jahon chempionatini 5-maydan 4-iyungacha o‘tkazilishini taklif qilmoqdalar.
BBC’ning ushbu arizadan iqtibos keltirishicha, shunday bo‘lgan taqdirda mundial Braziliyada o‘tgan JCh−2014’dagi ob-havo sharoitida o‘tadi.
Masalan, JCh−2022 guruh bahslari vaqtida (5−19-may) Qatarda 29,7 dan 33 daraja issiq bo‘ladi. O‘yinlar kechki 18:00, 20:30 va 23:00 da o‘tishi rejalashtirilmoqda (pley-off - 19:00 va 22:00 da).
Eslatib o‘tamiz, FIFA JCh−2022 musobaqasini o‘tkazish muddatiga 2015-yilning may oyida aniqlik kiritadi. Avvalroq, mundialni noyabr oyida o‘tkazilishi mumkinligi aytilgan edi.
Izoh (0)