Sony Pictures Entertainment компаниясига уюштирилган хакерлик ҳужуми натижасида корпорациянинг ҳали эфирга чиқмаган фильмлари интернетда тарқалиб кетиши билан боғлиқ воқеалар давом этмоқда. Энди ушбу компания билан ҳамкорлик қилган Голливуд юлдузларининг шахсий маълумотлари ҳам интернетда тарқалиб кетгани маълум бўлди, деб хабар бермоқда The Wall Street Journal.
Жумладан, хакерлар ҳужумидан Силвестр Сталлоне, режиссёр Жад Апатоу, австралиялик актриса Ребел Уилсон азият чеккан. Қайд этилишича, тармоққа юлдузларнинг ижтимоий ҳимоя рақамлари чиқарилган. Бундан ташқари, компаниянинг жами 47 мингдан ортиқ ҳозирги ва собиқ ходимларининг ижтимоий ҳимоя рақамлари интернетда тарқалиб кетган.
Ахборот хавфсизлиги билан шуғулланувчи Identity Finder компанияси томонидан Sony Pictures’га тегишли 33 минг ҳужжат таҳлили натижаларига кўра тармоққа шунингдек корпорация ходимларининг маошлари ва уй манзиллари ҳақидаги маълумотлар ҳам чиқарилган.
Изоҳ (0)