Нью-Йоркда «Чўқинтирган ота» фильми сюжети бўйича Корлеонелар оиласи яшаган уй 2,9 миллион долларга сотувга қўйилди. Бу ҳақда Korrespondent.net хабар бермоқда.
2012 йилда бешта ётоқхона ва еттита ваннахонага эга ушбу уй тўлиқ модернизация қилинган.
1972 йилгача у оддий турар жой бўлган, бироқ учта «Оскар»ни қўлга киритган, Марлон Брандо ва Аль Пачино иштирокидаги Фрэнсис Форд Коппола фильмидан сўнг бу уй ҳам машҳур бўлиб кетди.
Риэлтор Жозеф Профачи сўзларига кўра, уйнинг ҳозирги эгалари уни тўлиқ ўзгартиришган, айниқса, уйдаги иш хонасини (кабинет) худди фильмдаги ҳолатга келтиришган.
Уйда жами 15 та хона, жумладан спорт зали ва ўйинлар хонаси, шунингдек тўртта автомобиль учун мўлжалланган гараж ҳам бор.
Изоҳ (0)