Ўзбекистон миллий терма жамоаси 4 декабрь куни БААнинг Дубай шаҳрида Янги Зеландиянинг «Окленд Сити» клубига қарши назорат учрашувини ўтказади. Ўйин олдидан янги зеландияликлар ҳужумчиси Эмилиано Тейд ўз фикрларини билдириб ўтди, деб хабар бермоқда «Uff.uz».
«Узоқ парвоздан (19 минг км.) кейин биз бироз чарчадик. Шунга қарамай, биз бугун икки маҳал машғулот ўтказдик. Бу баданимизнинг тикланишига ёрдам беради.
Ўзбекистонга қарши учрашув — биз учун катта, жуда катта ўйин. Клубимизда бир қанча футболчилар учун ҳаётидаги энг катта ўйин бўлади. Сафимиздаги айрим футболчилар халқаро ўйинда иштирок этган, лекин кўпгина футболчилар учун бу баҳс дастлабки йирик ўйин бўлади», − деди Эмилиано Тейд.
Изоҳ (0)