“Oklend Siti” futbolchisi: “O‘zbekistonga qarshi hayotimizdagi eng katta o‘yinni o‘tkazamiz”

O‘zbekiston milliy terma jamoasi 4-dekabr kuni BAAning Dubay shahrida Yangi Zelandiyaning “Oklend Siti” klubiga qarshi nazorat uchrashuvini o‘tkazadi. O‘yin oldidan yangi zelandiyaliklar hujumchisi Emiliano Teyd o‘z fikrlarini bildirib o‘tdi, deb xabar bermoqda “Uff.uz”.

“Uzoq parvozdan (19 ming km.) keyin biz biroz charchadik. Shunga qaramay, biz bugun ikki mahal mashg‘ulot o‘tkazdik. Bu badanimizning tiklanishiga yordam beradi.

O‘zbekistonga qarshi uchrashuv — biz uchun katta, juda katta o‘yin. Klubimizda bir qancha futbolchilar uchun hayotidagi eng katta o‘yin bo‘ladi. Safimizdagi ayrim futbolchilar xalqaro o‘yinda ishtirok etgan, lekin ko‘pgina futbolchilar uchun bu bahs dastlabki yirik o‘yin bo‘ladi”, − dedi Emiliano Teyd.