Сан-Маринонинг футбол бўйича терма жамоаси Европа — 2016 чемпионати саралаш босқичи доирасида Эстония билан баҳс олиб борди. Унда дуранг натижа (0:0) қайд этилди ва сан-мариноликларнинг 61 та мағлубиятдан иборат кетма-кетлигига нуқта қўйилди. Бу ҳақда «Спорт-Экспресс» хабар бермоқда.
Эстонияликлар билан ўйинда эришилган дуранг натижа шарофати билан Сан-Марино фуболчилари 1988 йилда ФИФА ва УЕФАга қўшилганидан буён биринчи марта расмий учрашувларда очкога эга бўлди. Ушбу терма жамоа тарихдаги ягона ғалабасини 2004 йилда Лихтенштейн билан (1:0) бўлган ўйинда қўлга киритган эди.
ФИФАнинг октябрь ойидаги миллий термалар рейтингида Сан-Марино энг паст кўрсаткич билан сўнгги ўринни эгаллаган. Сан-маринолик ўйинчиларинг кўпчилиги профессионал малакага эга эмас ва яшаш учун футбол орқали пул топмайди.
Изоҳ (0)