Тожикистонда мамлакат шимолидаги Сўғд вилоятининг стратегик объектларида террорчилик ва қўпорувчилик ҳаракатларига тайёргарлик кўраётган террорчилар, шу жумладан худкушлар гуруҳи қўлга олинди. Бу ҳақда мамлакат ички ишлар вазири милиция генерал-лейтененти Рамазон Раҳимзодага таяниб, ТАСС хабар берди.
Унинг айтишича, вилоятнинг баъзи ҳудудларида олиб борилган махсус операциялар чоғида Тожикистоннинг «Ўзбекистон ислом ҳаракати» гуруҳига кирувчи 20 нафар фуқаролари ҳибсга олинган. Ушбу ташкилот республикада ва қатор хорижий давлатларда террористик ташкилот деб тан олинган. Вазир тинтув вақтида қўлга олинганларнинг баъзиларида «шаҳидлар белбоғи», портловчи моддалар, детонаторлар ва ақидапарастлик адабиётлари топилганини айтди.
Изоҳ (0)