Германия канцлери Ангела Меркель G20 Катта йигирмалик саммити учун Австралияга ташрифи олдидан Янги Зеландияни зиёрат қилиб ўтди. Бу ҳақда Korrespondent.net хабар бермоқда.
Бошқа тадбирлар билан биргаликда, Меркель Янги Зеландия рамзи бўлмиш Киви қушини «озод этиш» маросимида қатнашди. Унда канцлер маорича саломлашиш удумини бажариб, ярим яланғоч маҳаллий халқ вакили билан «бурун бериб» (бурунга бурунни теккизиб) кўришди. Маросимдан олинган суратлар европалик интернет фойдаланувчилари орасида қизғин муҳокамага сабаб бўлди.
Шунингдек, Меркель нутқ сўзлаб, Янги Зеландияга Россияга қарши « санкциявий уруш»да Европани қўллаб-қувватлаётгани учун миннатдорлик билдирди.
Изоҳ (0)