Facebook ижтимоий тармоғи Британиялик собиқ аскар Гарольд Морганнинг дафн маросимида ўзига хос рол ўйнади, дея хабар бермоқда Euronews.
Кўп йиллар Уэльс Гвардиясида хизмат қилиб, сўнгги 14 йилни қариялар уйида ўтказган Морган 85 ёшида вафот этди. Дафн маросимини ташкил қилган роҳиб собиқ аскар билан видолашишга ҳеч ким келмаслигидан хавотирланиб, интернетга мурожаат қилишга қарор қилди: марҳумнинг собиқ сафдошлари ва бошқа танишларини Facebook орқали маросимга таклиф этди.
Дафн маросимига юздан ортиқ киши йиғилди, ташрифчиларнинг кўпчилиги кичик черковга сиғмай ҳам қолди.
Изоҳ (0)