Уругвай президенти Хосе Мухика араб шайхларидан бирига ўзининг 1987 йилги Volkswagen Beetle («Қўнғиз») автомобилини бир миллион долларга сотишдан бош тортди. Бу ҳақда Noticias24 интернет-портали хабар берди.
Мухиканинг айтишича, унда бундай автомобилдан иккитаси бор, улардан бири юрмайди. Иккинчисини унга дўстлари 2010 йилда совға қилган.
Эслатиб ўтамиз, камтарона ҳаёт тарзи олиб бориши билан танилган Уругвай президенти Хосе Мухика ўзининг Volkswagen Beetle русумидаги автомобили учун исми ошкор этилмаган араб шайхи томонидан 1 миллион долларлик таклиф олган эди.
Хосе Мухика дунёдаги энг камбағал президент ҳисобланади, чунки у 250 минг песо (12 500 доллар)лик маошининг 90 фоизини ҳар ой ўзи ташкил қилган камбағалларга ёрдам берувчи Plan Juntos жамғармаси ҳисобига ўтказиб туради. Машинасини эса президент даромадлар тўғрисидаги декларацияда 70 минг песо (2850 доллар) деб кўрсатган.
Изоҳ (0)