АҚШда двигателни масофадан туриб блоклаш тизими ўрнатилган автомобиллар сони ортиб бормоқда. Бундай қурилмалардан кредит ташкилотлари керакли маблағни ўз вақтида тўламайдиган мижозларга қарши кураҳиш учун фойдаланади, деб хабар бермоқда «Новый век».
Бир қанча афзалликларига қарамай, тизимнинг қонунийлиги масаласи сўроқ остида қолмоқда, чунки бу жиддий йўл-транспорт ҳодисаларига олиб келиши мумкин. The New York Times газетасининг хабар беришича, АҚШ йўлларида айни пайтда ишга тушириш тизимини блоклайдиган «ўлим тугмачаси» ўрнатилган ва кредитга олинган икки миллионга яқин автомобиллар ҳаракатланмоқда.
Агар автомобиль соҳибида кредит бўйича қарздорлик пайдо бўлса, тизим уни махсус сигнал орқали огоҳлантиради. Кредиторнинг истагига қараб, автомобиль двигатели блоклаб қўйилиши мумкин, шундан кейин уни қайта ишга тушириб бўлмайди. Блоклаш исталган пайтда содир бўлиши мумкин, бу ҳолат ҳайдовчини чорасиз қолдиради. АҚШда шу пайтгача катта магистралларда ёки тез тиббий ёрдамга шошилаётган вақтда бундай автомобилларнинг ўчиб қолиши бир неча марта кузатилган.
Автомобилларни масофадан туриб блоклаш тизимларини ишлаб чиқариш билан шуғулланувчи Imetrik компанияси вакиллари уларнинг қурилмалари фақатгина ҳаракатланмаётган автомобилларни тўхтатиш учун мўлжалланганини таъкидлаган. Қиймати 100 доллар бўлган Imetrik маҳсулотлари ҳозиргача 800 000 нухсада сотилган. Forbes журналининг қайд этишича, бу соҳада Passtime ва Skypatrol компаниялари ҳам етакчи ҳисобланади. Баъзи қурилмалар GPS билан жиҳозланган бўлиб, автомобилларни шаҳарнинг энг хавфсиз ҳудудларида блоклайди.
Изоҳ (0)