Ҳиндистон Бош вазири Нарендра Моди ва АҚШ президенти Барак Обама етакчи Америка журналларидан бири учун биргаликда мақола ёзади. Бу ҳақда Ҳиндистон ташқи ишлар вазири Сайид Акбаруддиннинг баёнотига таяниб «РИА Новости» хабар бермоқда.
«АҚШ президенти ва Ҳиндистон етакчиси илк марта биргаликда мақола ёзади», − деди Акбаруддин. Унинг сўзларига кўра, бу таклифни кечки овқат пайтида Обама билдирган, Моди эса уни қўллаб-қувватлаган.
АҚШга ташрифи арафасида Ҳиндистон Бош вазирининг Wall Street Journal’да америкалик сармоядорларни «Make in India» (Ҳинндистонда ишлаб чиқаринг) деб номланган кампанияда қатнашишга чақирган мақоласи чоп этилган эди.
Нарендра Моди ҳозирда ўзининг лавозимга киришганидан буён илк марта АҚШда бўлиб турибди. У БМТ Бош Ассамблеясида нутқ сўзлади ва Madison Square Garden’да АҚШлик ҳиндлар олдида чиқиш қилди, шунингдек Барак Обама билан учрашди. Бироқ ташрифдан асосий мақсад америкалик сармоядорларни Ҳиндистонга жалб қилиш эканлиги айтилмоқда.
Изоҳ (0)