Россиянинг Ямал-Ненецк автоном округидаги мактаб-интернат ҳудудида тўққиз ёшли ўқувчи қизни итлар ғажиб ўлдирди. Тергов қўмитаси ҳодиса юзасидан қўшимча тафтиш ишларини олиб бормоқда, дейилади идора сайтида.
Тергов ишларининг дастлабки натижаларига кўра, 27 сентябрь куни тахминан 8:50 да «Тазовский» туманидаги «Находкинская» мактаб-интернатига тегишли ҳудудда 2-синф ўқувчисининг жасади топилган. У бешта кучук томонидан кўп марта тишлаб ташланиши натижасида олинган жароҳатлар туфайли ҳалок бўлган.
Текширув чоғида аниқланишича, қизчага ташланган итлар мактаб-интернат ходимларига тегишли бўлган. Тергов натижалари бўйича процессуал қарор қабул қилиниши таъкидланган.
Изоҳ (0)