Hindiston Bosh vaziri Narendra Modi va AQSh prezidenti Barak Obama yetakchi Amerika jurnallaridan biri uchun birgalikda maqola yozadi. Bu haqda Hindiston tashqi ishlar vaziri Sayid Akbaruddinning bayonotiga tayanib “RIA Novosti” xabar bermoqda.
“AQSh prezidenti va Hindiston yetakchisi ilk marta birgalikda maqola yozadi”, − dedi Akbaruddin. Uning so‘zlariga ko‘ra, bu taklifni kechki ovqat paytida Obama bildirgan, Modi esa uni qo‘llab-quvvatlagan.
AQShga tashrifi arafasida Hindiston Bosh vazirining Wall Street Journal’da amerikalik sarmoyadorlarni “Make in India” (Hinndistonda ishlab chiqaring) deb nomlangan kampaniyada qatnashishga chaqirgan maqolasi chop etilgan edi.
Narendra Modi hozirda o‘zining lavozimga kirishganidan buyon ilk marta AQShda bo‘lib turibdi. U BMT Bosh Assambleyasida nutq so‘zladi va Madison Square Garden’da AQShlik hindlar oldida chiqish qildi, shuningdek Barak Obama bilan uchrashdi. Biroq tashrifdan asosiy maqsad amerikalik sarmoyadorlarni Hindistonga jalb qilish ekanligi aytilmoqda.
Izoh (0)