1 октябрдан Ўзбекистон пойтахти аҳолиси ва ташкилотлар учун марказий иситиш ҳамда иссиқ сув таъминоти тарифи 7 фоизга ошади. Тарифлар ошиши ёқилғи ва материалларнинг қимматлашуви билан боғлиқ, дея хабар бермоқда Gazeta.uz «Тошиссиққуввати» корхонасининг «Тошкент оқшоми» газетасида эълон қилинган маълумотига таяниб.
Пойтахтда марказий иситиш учун бир ойлик тариф нархи турар жойнинг бир квадрат метри учун ҳозирги 787,95 сўмдан 844,67 сўмгача ошади.
Иссиқ сув учун янги тариф ҳисоблагич бўлмаган тақдирда киши бошига 10570,54 сўмни (ҳозир 9860,67 сўм) ва ҳисоблагич билан бир кубометр учун 2706,76 сўмни (ҳозир 2524,99 сўм) ташкил этади.
Умумий ётоқхоналарда истиқомат қилувчилар киши бошига 7863,46 сўм (ҳозир 7335,38 сўм) тўлайди.
Ташкилотлар учун иссиқлик энергияси улгуржи тарифи бир Гкал учун ҚҚСсиз 47 487 сўм (ҳозир 44 298 сўм) ҚҚС билан эса бир Гкал учун 56 984,4 сўм (ҳозир 53 157,6 сўм)дан иборат.
Иссиқ ва совуқ сув учун тўлов ҳисоблагичи бўлмаган аҳолига иссиқ ва совуқ сув таъминоти учун белгиланган тарифларга 1,5 коэффициентини қўллаш орқали амалга оширилади.
Эслатиб ўтамиз, «Сувсоз» корхонаси 1 октябрдан Тошкент аҳолиси учун совуқ сув таъминоти хизмати янги тарифлар бўйича ҳисобланишини маълум қилган эди.
Иссиқ ва совуқ сув нархлари бундан аввал 1 апрелда ошган эди.
Изоҳ (0)