Афғонистон суди етти нафар фуқарони тўрт аёлни зўрлагани учун ўлим жазосига маҳкум этди, дея хабар бермоқда «РИА Новости» Agence France-Presse’га асосланиб.
Ҳодиса 23 август куни содир бўлган. Тўрт аёл Қобул ташқарисида бўлган тўйдан шаҳарга қайтаётган бўлган. Уларга полиция формасини кийиб олган етти нафар қуролланган кишилар ҳужум қилган. Уларнинг барчаси тўрт аёлни ўғирлаб кетиш, талаш ва зўрлашда айбдор деб эълон қилинди. Аёллардан бири ҳомиладор бўлган. Кейинроқ жиноятчилар жабрланувчилар томонидан таниб олинди.
Воқеа омма орасида кенг тарқалди ва миллий норозиликка учради. Зўравонлик қурбонларининг тарафдорлари жиноятчиларга нисбатан шафқатсиз чоралар кўрилишини талаб қилди.
Полициянинг расмий вакиллари айбдорлар полициячилар кийимида бўлса-да, аслида ҳуқуқни муҳофаза қилиш органлари ходимлари бўлмаганини таъкидлади.
Афғонистонда аёлларга нисбатан зўравонлик кенг тарқалган, лекин у кўпинча уйда содир бўлади. «Ушбу ҳодисанинг бошқаларидан фарқли жиҳати шундаки, биз бу ҳақда хабар топдик. Бу ерда зўрлик биз билганимиздан кўра кўпроқ юз беради, бироқ одамлар бу ҳақда ҳеч кимга айтмайди», — деди Human Rights Watch катта тадқиқотчиси Патриция Госсман.
Изоҳ (0)