Airtel мобил оператори хизматларидан фойдаланадиган Замбия фуқаролари ўз смартфонларидан Facebook ҳамда саломатлик, ишга жойлашиш, оналикка бағишланган яна 11 та манбага бепул кириш имкониятига эга бўлди. Ушбу ташаббус муаллифи Марк Цукербергдир, дея хабар берди CNews.ru.
Airtel абонентлари белгиланган бепул сайтларга кириш учун Android-телефонга юклаб олинган Internet.org дастуридан фойдаланади. Бундан ташқари, Internet.org сайти ва Android учун Facebook дастури ҳам бунда асқотади.
12 та сайтга бепул кириш имконияти Facebook’нинг Internet.org ташаббуси доирасидаги илк қадамдир. У бунда Nokia, Samsung, Ericsson, MediaTek, Qualcomm ва Opera Software компаниялари билан ҳамкорлик қилди.
Изоҳ (0)