Samsung ва Apple компаниялари ҳуқуқлар ва патентлар бўйича ўзаро даъволарни АҚШдан ташқарида кўриб чиқишдан бош тортишга қарор қилди. Бу ҳақда Agence France-Presse хабар берди.
«Бу қарор лицензия бўйича келишувларга тааллуқли бўлмайди. Компаниялар ишларни АҚШ судларида олиб боришда давом этади», — дейилади Samsung баёнотида.
Эслатиб ўтамиз, 2 май куни АҚШ Федерал маслаҳатчилар суди Apple ва Samsung компанияларининг бир-бирига қарши патент даъволари бўйича қарор чиқарди. Унга кўра, иккита патентни кўчирган Samsung 119,6 миллион доллар, ўз рақибининг битта патентини ўғирлаган Apple эса 158,4 минг доллар тўлаши керак.
Ўз даъво аризасида Apple ўзининг бешта патентини бузган Samsung’дан 2,2 миллиард доллар талаб қилган. Samsung ўз навбатида, иккита патенти бузилгани учун рақиби 6,9 миллион доллар товон тўлаши керак деб ҳисоблаган.
Кейинроқ Apple компанияси Samsung’га қарши янги даъво очиб, унинг тўққизта қурилмаси АҚШда сотилиши тақиқланишини талаб қилган эди.
Изоҳ (0)