Россиянинг Ульяновск вилоятида бильярд бўйича мусобақа бўлиб ўтди. Унда ўзбекистонлик спортчи Александр Сидоров муваффақиятли қатнашди, дея хабар берди Ulpravda.ru.
Бухородан ташриф буюрган Сидоров ярим финалда ульяновсклик Сергей Курманаевни, финалда эса ёшлар ўртасида жаҳон чемпиони тамбовлик Кирилл Юринни мағлубиятга учратиб, мусобақа ғолибига айланди.
«Август охирида жаҳон чемпионати бошланишини ҳисобга олиб, Ульяновскка келиш-келмаслик ҳақида узоқ ўйладим, — деди ўзбекистонлик бильярдчи Александр Сидоров. — Бироқ мусобақада кучли рақиблар иштирок этишини билиб, бу ерга келишга қарор қилдим».
Изоҳ (0)