Донецк вилоятида ўтган суткалар давомида ҳарбий ҳаракатлар натижасида 34 нафар тинч аҳоли вакиллари ҳалок бўлди, яна 29 нафари яраланди, дея хабар берди Euronews.
Донецкдан 35 километр масофадаги Иловайскда Украина қўшинлари, баъзи хабарларга кўра шаҳарнинг ярмини, бошқа маълумотларга кўра, бутун шаҳарни эгаллаб олди. Миллий гвардия айирмачиларнинг танклар ва артиллерия ёрдамида қарши ҳужумлар уюштираётганини, натижада 9 ҳарбий хизматчи ҳалок бўлгани ҳақида хабар қилмоқда.
Жанглар Макеевка шаҳрида ҳам давом этмоқда. У ерда артиллерия снаряди келиб тушиши натижасида кимё заводи ёниб кетган.
Донецкдаги вазиятдан азият чекиб, у ерни тарк этаётганлар сони ошиб бормоқда. Украина жануби-шарқидан кўпчилик Ростов вилоятига қочмоқда.
БМТ маълумотларига кўра, ойлаб давом этаётган низолар давомида Россия Федерациясига 700 минг украиналик қочоқлар кетган бўлиши мумкин, уларнинг атиги 168 минг нафари расмий рўйхатдан ўтган. Россия жамоатчилик палатаси эса қочоқлар сони бир миллионга яқинлашиб қолганини тахмин қилмоқда.
Изоҳ (0)