Хизмат итлари зотларини мукаммаллаштириш бўйича дастур доирасида Жанубий Корея полицияси иш фаолиятида ўзини кўрсата олган итларни клонлаштириш билан шуғулланувчи институт очишга қарор қилди. Бу ҳақда ИТАР-ТАСС хабар берди.
Миллий полиция агентлиги маълумотларига кўра, итшунослик илмий тадқиқот институтини очиш дастурини амалга ошириш учун 1 миллиард вон (970 минг доллар) маблағ ажратилади.
Клонлаштириш учун портловчи моддалар, наркотиклар қидириш ва бошқа полиция махсус операцияларида ўзини яхши кўрсатган 40 та ит танлаб олинади.
Маълум бўлишича, Жанубий Корея дунёда итларни клонлаштириш технологияларига эга бўлган ягона давлатдир. Жанубий Кореяда бу соҳадаги илмий ишлар билан айни пайтда тўртта институт шуғулланади.
Изоҳ (0)