Кичик Жорж Буш муздек сувда чўмилиш акциясида қатнашди

АҚШнинг собиқ президенти кичик Жорж Буш Ice Bucket Challenge («Бир челак муздек сув синови») акциясида иштирок этиб, муздек сувда чўмилди. У эстафетани ўз қизи Женна Буш Ҳагердан олиб, собиқ президент Билл Клинтонга топширди. Муздек сув тўла челакни кичик Буш бошидан унинг хотини Лора Буш қуйиб юборди.

Сув қуйилишидан аввал Жорж Буш чўмилишни истамаслиги, чунки ундан кейин «президентларга хос» кўринишини йўқотишини айтади ва ундан кўра хайрия жамғармасига пул ўтказиш осонроқ эканлигини ҳазиломуз қайд этади. Шундан сўнг унинг рафиқаси сувни қуйиб юборади ва пулларидан айрилмоқчи эмаслигини, ўзи муздек сувда чўмилиб, соч турмагини бузмоқчи эмаслигини ҳам айтиб ҳазиллашади.

Ушбу акцияга кўра машҳур инсонлар ўз устидан муздек сув қуйиб, дўстларига шундай қилишни ёки хайрия жамғармасига пул ўтказишни таклиф қилиши лозим.

Хайриядан тушадиган маблағ амиотрофик склероз — Лу Гериг касаллигига чалинганларга сарфланади. Бу касаллик одамнинг бош мия тизимига таъсир қилиб, кейинчалик фалажликка олиб келиши мумкин.