АҚШнинг Миссури штати Канзас-Сити шаҳрида яшовчи ёлғиз онанинг машинасини ўғирлаб кетишди. Автомобиль ичида телефони қолганини эслаб, аёл ўғрига кўнгилни юмшатувчи SMS-хабарлар жўнатди ва ўғри унга машинасини қайтарди. Бу ҳақда КCTV хабар берди.
Меган Браттен исмли аёл дўкондан чиқиб, машинасини ўғирлаб кетишганини кўради. Автомобили ичида уяли телефони қолганини эслаб, бошқа телефонидан унга хабар жўнатади ва ўзининг оғир қисматини англатади.
«Сиз ҳозиргина беш фарзандли онанинг машинасини ўғирладингиз. Менинг бахтимни қаро қилаяпсиз», — деб ёзди Меган биринчи хабарида. Кейинги бир неча соат ичида у ўғрига яна бир қанча SMS жўнатди. Энг сўнгги хабарда аёл шундай ёзди: «Эй худо! Ўғри, менга машинамни қайтара қол. Агар уни қайтариб берсанг бу мўъжиза бўларди!»
Бироз вақт ўтиб Меганнинг телефонига SMS-хабар келди, унда машинани қаердан топиш ҳақида батафсил маълумот келтирилганди. Аёл онаси ва ити ҳамроҳлигида автомобилини олиб келишга боради. Уни топганидан сўнг, ўғри билан бошқа SMSлашмаган. Меган полицияга мурожаат қилиб ўтирмади.
Изоҳ (0)