АҚШ Сурия кимёвий қуролларини йўқ қилиш бўйича ишларни якунлади, дея хабар берди Gazeta.ru Пентагон баёнотига таяниб.
Пентагон контр-адмирали Жон Кирби баёнотда кимёвий қуролни йўқ қилиш бўйича операция хавфсизликка қатъий риоя қилган ҳолда юқори профессионал даражада ўтганини таъкидлади. Унинг сўзларига кўра, операция чоғида атроф-муҳитга зиён етмаган.
Таъкидлаш жоиз, кимёвий қурол Ўрта Ер денгизидаги Американинг Cape Ray ихтисослашган кемасида йўқ қилинди. Жараён 7 июль куни бошланган ва уни якунлашга 60 кун талаб этилиши тахмин қилинган эди.
Эслатиб ўтамиз, 2013 йилнинг августида Дамашқ яқинида кимёвий қурол ишлатилиши натижасида бир ярим минг киши ҳалок бўлгач, АҚШ Сурияга ҳужум уюштириш ҳаракатига тушиб қолган эди. Россия эса Суриянинг кимёвий қуролларини халқаро назоратга тақдим этиш ғояси билан чиққан эди.
БМТ Хавфсизлик Кенгаши (ХК) 28 сентябрь куни Суриянинг кимёвий қуролини йўқ қилиш ҳақида резолюция қабул қилди. Сурия президенти Башар Асад ХКнинг ушбу резолюциясига бўйсунишга тайёрлигини билдирди.
Изоҳ (0)