АҚШнинг Калифорния штати Жанубий Пасадена шаҳри полициячилари 18 август, душанба куни икки ўспиринни ҳибсга олди. Улар ўз синфдошлари ва мактабнинг бир неча ходимларини оммавий ўлдиришни режалаштирганликда гумон қилинмоқда. Бу ҳақда полиция баёнотига таяниб, Reuters хабар берди.
Режалаштирилаётган жиноят ҳақида хабар полицияга Жанубий Пасаденадаги мактаб маъмуриятидан келиб тушган. «Мактаб ишчилари ўқитувчиларнинг шубҳали хатти-ҳаракатларини сезишга муваффақ бўлган. Бу хабар ёрдамида биз даҳшатли фожианинг олдини олдик», — деди маҳаллий полиция сержанти Брайан Солински.
Ўсмирлар уйларида тинтув ўтказилиб, далиллар топилгач, қўлга олинган. Уларнинг исмлари ошкор этилмаяпти.
Полиция хабарига кўра, улар мактабнинг уч ишчисини ва «иложи борича кўпроқ ўқувчиларини» ўқ отадиган қурол ёрдамида ўлдирмоқчи бўлган.
Изоҳ (0)