2014 йил 10 сентябрга қадар янги Universal Mobile Systems мобил алоқа операторига Ўзбекистон Алоқа, ахборотлаштириш ва телекоммуникация технологиялари давлат қўмитаси томонидан тегишли лицензия берилади.
Мутахассислар фикрича, мобил алоқа хизматларини кўрсатиш учун янги компания тузилаётгани туфайли бўлажак абонентлар билан янги шартномалар тузилади ва улар асосида янги рақамлар берилади. Рақамлар диапазони эса сақланиб қолади.
Ўзбекистон Вазирлар Маҳкамаси «Мобил алоқа хизматларини кўрсатиш бўйича Universal Mobile Systems қўшма корхонасини тузиш тўғрисида»ги қарорни қабул қилган. Қарорда белгиланишича, UMS’ни тузиш ишлари 15 августгача, уни рўйхатга олиш ишлари эса 25 сентябрга қадар тугалланиши кутилмоқда. Бундан ташқари, қўшма корхона 1 ноябрга қадар техник, 1 декабрга қадар тижорий эксплуатацияни амалга оширади.
Аввалроқ, «МТС» компанияси Ўзбекистон ҳукумати билан муроса битими имзолагани, Ўзбекистонда янги қўшма корхона ташкил этиши, корхонанинг 50,01 фоизи «МТС»га, 49,99 фоизи эса Ўзбекистон ҳукуматига тегишли бўлиши ҳақида хабар берган эди.
Изоҳ (0)