Халқ депутатлари Тошкент шаҳар Кенгаши қарори билан 24 июлдан пойтахтдаги бир қатор географик объектларга ном берилди, баъзиларининг номлари эса ўзгартирилди. Бу ҳақда Тошкент шаҳар ҳокимлиги матбуот хизмати хабар берди.
«Катта Қаъни» маҳалласи ҳудудидаги туташ кўча номларини уйғунлаштириш мақсадида Учтепа туманидаги Ғаниполвон кўчаси Қурилиш 2-тор кўчасига, Ғаниполвон 1-тор кўчаси — Катта Қаъни 4-тор кўчасига, Ғаниполвон берк кўчаси — Катта Қаъни 4-берк кўчасига, Шодлик кўчаси — Қурилиш 3-тор кўчасига айлантирилди. Шунингдек, «Кўкча Оқтепа» маҳалласи ҳудудидаги кўча номини тартибга келтириш мақсадида Космос кўчаси Коинот кўчаси дея қайта номланди.
Шайхонтоҳур тумани бўйича Навоий кўчасидан Кичик ҳалқа йўлигача бўлган Шайхонтоҳур кўчаси — Лабзак, Шайхонтоҳур тор кўчаси — Лабзак тор кўчаси, Лабзак кўчаси — Лабзак 3-тор кўчаси, Зуҳур Қобулов тор кўчаси — Тахтапул тор кўчаси дея ўзгартирилди.
Юнусобод туманида эса Носиров кўчаси Минор тор кўчасига, Каттасой 1-берк кўчаси — Каттасой 1-тор кўчасига, Каттасой 3-берк кўчаси Каттасой 3-тор кўчасига айлантирилди. Бундан ташқари, Дўстлик маҳалласи ҳудудидаги номсиз янги кўча Олтин мерос кўчаси деб, яна тўртта номсиз кўчалар эса Олтин мерос 1,2,3,4-тор кўчаси деб номланди. «Отчопар-2» маҳалласи ҳудудидаги янги туташ кўчаларга Уангишаҳар 5,6,7,8,9-тор кўчаси дея ном берилди.
Олмазор тумани ҳудудида «Шифокорлар» маҳалласидаги номсиз янги кўчалар Шифокорлар 3,4,5-тор кўчаси деб, номзил янги берк кўчалар эса Шифокорлар 1,2-берк кўчаси деб атала бошлади.
Изоҳ (0)