Исроил ҲАМАСни Ғазо секторидаги фуқаролардан жонли қалқон сифатида фойдаланаётганликда айблади ва бу Женева конвенциясини қўпол равишда бузишини айтди. Бу ҳақда Euronews хабар берди.
Ғазо шаҳрининг шимолида тинч аҳоли орасида кўп йўқотишлар бўлаётганига изоҳ берар экан, Исроил ҳарбийлари аҳолини хавфли ҳудудни уч кун ичида тарк этишга чақирганини, бироқ ҲАМАС радикаллари одамлар кўп тўпланган жойга ўз ракета ва қурол-яроғларини жойлаётганини айтди.
Низонинг янги босқичи бошланганидан буён 600 дан зиёд фаластинликлар ҳалок бўлган, яна 3 мингдан ортиғи яраланган. Ғазо секторидаги шифокорлар зарар кўрганларга ёрдам бериш учун дори-дармон, ходимлар ва асбоб-ускуналар етишмаётганидан шикоят қилмоқда.
Исроил ҳукумати ҲАМАС инфратузилмасини йўқ қилиш ва туннелларни бузиб ташлаш учун «Мудофаа чизиғи» операциясини давом эттириш ниятини билдирмоқда.
Изоҳ (0)