КХДР ҳукумати Хитойга мурожаат қилиб, Шимолий Корея етакчиси Ким Чен Инни масхара қилувчи видеолавҳани интернетдан ўчириб ташлашни сўради. Бу ҳақда Huffington Post хабар берди.
11 июлда YouTube’га қўйилган уч дақиқалик лавҳада КХДР раҳбарининг боши редактор ёрдамида турли комедияли роликлар қаҳрамонлари таналарига ўрнатилган. «Ким Чен Ин» унда рақсга тушади ва «Барак Обама» образидан тепки ейди.
Шимолий кореялик мансабдорлар клип Ким Чен Иннинг обрўйи ва авторитетига жиддий таъсир қилишини айтиб, ролик юкланган ҳудуд — Хитойга уни ўчириб ташлаш илтимоси билан мурожаат қилган. Ушбу видеолавҳадан ОАВ хабар топгач, у интернетда янада шиддат билан тарқала бошлади. Ролик айни пайтгача деярли 1,5 миллион марта кўрилган.
Изоҳ (0)