Тошкент шаҳрида Беруний ва Чиғатой Дарвоза кўчалари кесишмасидан Хуршид ва Баҳор кўчалари чорраҳасигача янги «Г-50» айланма йўли қурилиши давом этмоқда. Унда «Ўзавтойўл» Давлат акциядорлик компаниясининг автомобиль йўллари таъмири бўйича махсус бўлинмаси ходимларининг 1,7 минг нафари иштирок этмоқда, дея хабар берди Anons.uz.
5,1 километрлик магистрал қурилиши республика молия вазирлиги қошидаги Йўл фонди томонидан амалга оширилмоқда. Йўлнинг икки километрлик қисмига асфальт ётқизиш ишлари тугалланди.
Шайхонтоҳур ва Олмазор туманлари ҳудудидан ўтувчи янги йўл уч полосали бўлиб, симсиз ва электрни тежайдиган технологияларга асосланган замонавий ёритиш тизими билан таъминланади.
Қурилиш сентябрь ойигача тугалланиши режалаштирилмоқда.
Изоҳ (0)