Ўзбекистонлик ФИФА рефериси Равшан Эрматов Коста-Рика ва Голландия термалари ўртасидаги чорак финал учрашувини бошқариб, футбол бўйича жаҳон чемпионатлари рекордини ўрнатди.
Гап шундаки, Эрматов жаҳон чемпионатларида тўққизта ўйинга ҳакамлик қилган тарихдаги биринчи арбитрга айланди.
Эслатиб ўтамиз, Равшан Эрматов 2010 йил ЖАРда бўлиб ўтган футбол бўйича жаҳон чемпионатида бешта учрашувга ҳакамлик қилган.
Бразилияда бўлиб ўтаётган жорий турнирда эса ўзбекистонлик арбитр тўртта ўйинни бошқарди. Ҳамюртимиз Швейцария – Эквадор (1-тур гуруҳ босқичи), Хорватия – Мексика (3-тур гуруҳ босқичи), АҚШ – Германия (3-тур гуруҳ босқичи) ҳамда Голландия — Коста-Рика (чорак финал) учрашувларига ҳакамлик қилди.
Бунгача ўрнатилган рекордлар саккизта матчдан иборат эди. Жоэль Киню (Франция), Хорхе Ларрионда (Уругвай) ва Бенито Арчундиа (Мексика)лар футбол бўйича жаҳон чемпионатларида бошқарилган ўйинлар сони бўйича рекорд соҳиблари бўлган.
Изоҳ (0)