Жаҳон чемпионати чорак финалидан ўрин олган Бразилия ҳамда Колумбия терма жамоалари ўртасидаги ўйин ўз ниҳоясига етди. Учрашувда мундиал мезбонлари Колумбия устидан 2:1 ҳисобида ғалаба қозониб, ярим финалга йўл олишди. Uff.uz хабар беришича, дастлаб, 7-дақиқада терма жамоа сардори Тиагу Силва гол киритиб, Бразилияни ҳисобда олдинга олиб чиқди.
69-дақиқада эса Давид Луиз жаримадан ажойиб зарба йўллаб, ҳисобни ишончли кўринишга олиб келиб қўйди. Аммо майдон эгаларининг бир оз бўшашганидан фойдаланган колумбияликлар 80-дақиқада ҳисобни қисқартиришга муваффақ бўлишди. Хамес Родригес пеналтидан тўп киритиб, Жаҳон чемпионатидаги голлар сонини 6 тага етказиб олди. Аммо қолганига Пакерман шогирдларига вақт ҳам, куч ҳам етмади. Эндиликда Бразилия ярим финалда Германияга қарши баҳс олиб боради.
Бразилия – Колумбия 2:1 (1:0, 1:1)Голлар: 1:0 – 7 Силва, 2:0 – 69 Давид Луиз, 2:1 – 80, пеналти Хамес.Бразилия – Жулио Сезар, Майкон, Силва, Давид Луиз, Марсело, Паулино (Эрнанес, 86), Фернандино, Оскар, Халк (Рамирес, 83), Фред, Неймар (Энрике, 88).Колумбия – Оспина, Сунига, Сапата, Епес, Армеро, К. Санчес, Гуарин, Куадрадо (Кинтеро, 80), Хамес, Ибарбо (Рамос, 46), Гутеррес (Бакка, 70).Огоҳлантиришлар: Силва (64), Хамес (67), Епес (69), Жулио Сезар (78).
Изоҳ (0)