Иллиноис Университети тадқиқотчилари мушак тўқимасидан ясалган ва электр ёрдамида ҳаракатга келтириладиган био-робот ихтиро қилди. Бу ҳақда The Verge нашри хабар берди.
2012 йилда ҳам олимлар юрак тўқимасидан қилинган био-робот ҳақида хабар берган, бироқ у ўзи ҳаракатга келиши ва доимий ҳаракатда бўлиши сабаб бошқариш учун ноқулай бўлган.
Бир сантиметрдан кичик ушбу био-робот ҳайвон ва инсонлардаги мушак-пай-суяк ҳаракатини ўзида такрорлайди. У электр ёрдамида ҳаракатга келтирилгани боис, унга қанча катта частотадаги электр токи таъсир эттирилса, у шунча тез ҳаракатга келади.
«Биология катта кучга эга, агар ундан фойдали дастурларда фойдалана олсак, у бизга улкан нарсаларни олиб келади» – дейди лойиҳа раҳбари Рашид Башир.
Тадқиқотчиларнинг фикрига кўра, бундай био-роботлардан медицина ҳамда атроф-муҳитни тозалаш мақсадида фойдаланиш мумкин.
Изоҳ (0)