Австралияда 28 ёшли аёл арзон зарядловчи USB-қурилма орқали ток уриши натижасида ҳалок бўлди. Бу ҳақда Agence France-Presse хабар берди.
Асли Филиппинлик Шерил Энн Алдегирни Австралия жануби-шарқидаги Госфорд шаҳрида жойлашган уйида ўлик ҳолда топишди.
Аёлнинг қулоғида наушник, қўлида ноутбук бўлган. Полициячилар унинг кўкси ва қулоқларида куйган жойлар борлигини аниқлаган. Тахминларга кўра, Шерилни телефонда суҳбатлашаётган вақтида ток урган. Телефон USB-кабел орқали заряд қурилмасига уланган, худди шу вақтда эса қўшни розеткадан компьютер заряд олаётган бўлган.
Алдегирнинг дўстлари у USB-кабелни Сиднейдаги мобил қурилмалар бозоридан сотиб олганини, у 4,95 долларга тушганини айтишган. Заряд қурилмасини сотган дўкон эгасига 875 минг доллар миқдорида жарима солиниши ва икки йилгача қамоқ жазоси белгиланиши мумкин.
Изоҳ (0)