Япон денгизи акваториясидаги қисқа масофага учувчи баллистик ракеталар синовини КХДР ҳарбий машғулотлар доирасида ўтказган. Бу ҳақда Япония нашри КХДР ташқи ишлар вазирлигига таяниб хабар берди, деб ёзади «ИТАР-ТАСС».
Аввалроқ Япония мудофаа вазирлиги КХДР шарқий қирғоқларидаги Вонсан шаҳридан кичик радиусли иккита ракета отилганини маълум қилган эди. Тахминларга кўра, улар Scud туридаги ракеталар бўлиб, 500—600 километр масофага уча олади. Япония ҳукумати ракеталарнинг Япон денгизига, бироқ Япония ҳудудий сувларидан ташқарига тушганини, ҳеч қандай зиён кузатилмаганини айтган. Шундай бўлса-да, Токио ўз дипломатик каналлари орқали КХДРга ҳодиса юзасидан норозилик йўллаган.
Изоҳ (0)