Швед шаҳзодаси Карл Филипп ўз севган қизи — модел София Хеллквист билан унаштирилгани ҳақида эълон қилди. Бу ҳақда Қироллик саройи сайтида хабар берилди. Карл Филиппнинг ўзи ҳам Facebook’даги саҳифасида бу маълумотни тасдиқлади.
«Қолган умримизни биргаликда ўтказиш таклифимга София «ҳа» деб жавоб берди. Бугун биз учун қувончли кун», — деди шаҳзода. Шу муносабат билан жума куни матбуот анжумани ўтказилди. Тўй куни ҳозирча аниқ эмас, бироқ маросим 2015 йил ёзига белгиланган.
Жуфтлик 2009 йилда Стокголмдаги тунги клублардан бирида танишган. Бир йил ўтиб, улар учраша бошлаган.
Карл Филипп опаси малика Виктория ва унинг қизи Эстелдан сўнг тахтга учинчи навбатдаги даъвогардир.
Изоҳ (0)